Юмшаса шудон.
Султо бадӟым круге. Шудӥсь муртъёс трос ке , экто кык кузя. Мукетъёс ки чабыса кырӟаса сыло.
1. Экты , экты ай эшъёсы (2 пол)
Тон ик чебер ай эктӥсько.
Мыськым жуась сюлэмъёсме (2 пол)
Тон ик каньыл ай кариськод. (2 пол)
Припев: Жива рда, ыниса ырда
Ынисы ырда, кысы мынэ кола!
Ой дыр вичина, кытсы мынэ кычына.
Ыбыса, ыбыса
Кысы минэ кыбыса
Обинь-лобинь калач обинь.
2. Тыпыр-тыпыр эктӥсьёслы,
Тыпы выжы ай волдэлэ.
Милям юмшан нунал уз лу,
Кӧтты тырымон ай эктэлэ.
3. Со пала лу ай эшъёсы,
Та пала лу эшъёсы.
Котькин котьма вералоз ке но,
Мон пала лу эшъёсы.
4. Такыр бусы, сьӧр бусы,
Льӧмпу сяська усьтӥське.
Милям эшъёс эктон дыръя,
Милям мылкыд усьтӥське.
5. Вуэ усем синмайталэз,
Уг лу синмын басьтыны.
Кудёке кошкем ныл гажандэ,
Уг лу кылын вайыны.
6. Чалма сяська тӧлӟем бере,
Бичамъёсты потэ-а?
Пинял дырды ортчем бере,
Шудэмъёсты потэ-а?
7. Улмо сётса сиытозы,
Эн си сое ай эшъёсы.
Кыл вераса люкетозы,
Эн люкиське ай эшъёсы.
8. Тыпыр –тыпыр эктиськод но,
Аслад-а бо ай катаед.
Гажан гажан шуиськод но,
Аслад-а бо ай гажанэд.
9. Льомпу сяська вия,вия,
Со интые льом потэ.
Ортче кошке пинял гумыр,
Сюлмез котэз позыртэ.
"Инвожо" 